Մեսրոպ Եպս. Սարգիսեան
Աւազանի անունով Ուրարտու։ Ծնած է Գամիշլի՝ 24 Օգոստոս 1983-ին։ Նախնական ուսումը ստացած է Գամիշլիի Ազգ. Եփրատ վարժարանին մէջ։ 1996-ին աւարտելով նախակրթական ուսումը 1997-ին ընդունուած է Մեծի Տանն Կիլիկիոյ Կաթողիկոսութեան Դպրեվանք։ Սարկաւագական ձեռնադրութիւն ստացած է 2004 թուականին, ձեռամբ՝ Գեղամ Եպս. Խաչերեանի։
Աւարտելով դպրեվանքեան իննամեայ Հայագիտական ու Աստուածաբանական ուսման ընթացքը, կուսակրօնութեան ձեռնադրութիւն եւ օծում ստացած է 14 Մայիս 2006-ին եւ յարած Մեծի Տանն Կիլիկիոյ Կաթողիկոսութեան ուխտեալ միաբանութեան, վերակոչուելով Տ. Մեսրոպ Աբեղայ։
2010-ին վարդապետական աստիճան ստացած է ձեռամբ՝ Կոմիտաս Արք. Օհանեանի, աւարտաճառ ունենալով Մեծի Տանն Կիլիկիոյ Կաթողիկոսութեան ունեցած նպաստը հայ մշակոյթին։ Իսկ Ծ. Վարդապետական աստիճան ստացած է 2004 թուականին, ձեռամբ՝ Շահէ Եպս. Փանոսեանի, աւարտաճառ ունենալով Մեծի Տանն Կիլիկիոյ Կաթողիկոսութեան արխիւային նամակագրութիւններէն բաժին մը։ 15 Ապրիլ 2018-ին Ն.Ս.Օ.Տ.Տ. Արամ Ա Կաթողիկոսի ձեռամբ, Եպիսկոպոսական օծում ստացած է Անթիլիասի Մայր Տաճարին մէջ։
2006-էն 20013, Գերաշնորհ Տէր Մեսրոպ Եպս. Սարգիսեանը, Մեծի Տանն Կիլիկիոյ կաթողիկոսարանէն ներս վարած է հետեւեալ պաշտօնները.-
— Ուսուցիչ՝ Դպրեվանքի Ժառանգաւորաց բաժինէն ներս։ (Դասաւանդելով՝ Հին Կտակարան, Հայոց Պատմութիւն եւ Գրաբար)
— Գաւազանակիր՝ Ն. Ս. Օ. Տ. Տ. Արամ Ա. Հայրապետին։
— Հոգեւոր խորհրդատու՝ Հայ Եկեղեցւոյ Համալսարանական Միութեան (ՀԵՀՈՄ)։
— Վարիչ՝ Երիտասարդական բաժանմուքի։
— Հոգեւոր խորհրդատու՝ Հայ Համալսարանաւարտներու Համախորհուրդի։
2006-2007 տարեշրջանին, Գերաշնորհ Տէր Մեսրոպ Եպս. Սարգիսեանը, Լիբանանեան Համալսարանէն ներս, հետեւած է Արաբական Գրականութեան։
2011-2013, Հայր Սուրբը, Holy Spirit University of Kaslik (USEK) համալսարանէն ներս, հետեւած է Աստուածաբանական եւ Իսլամագիտութեան դասընթացքներու։
Թեմակալ Ծառայութիւն
2013 թուականին Սրբազան Հայրը կը նշանակուի Կաթողիկոսական Փոխանորդ Արաբական Միացեալ Էմիրութեանց եւ Քաթարի Հայոց Թեմի։
2013-15 տարիներու ընթացքին Թեմի կազմակերպչական աշխատանքներ, Արաբական Միացեալ Էմիրութիւններու եւ Քաթարի տարածաշրջանը, որպէս նոր միաւոր բաժնելու Ծոցի երկիրներու Թեմի տարածաշրջանէն։
2013-14 Ապու Տապիի Ս. Նահատակաց Եկեղեցւոյ եւ Ազգային Առաջնորդարանի կառուցում։
2014-16 Արա Խանոյեան Ազգային Վարժարանի կառուցում։
Առաջնորդական ընտրութիւն
23 Նոյեմբեր 2019-ին, գումարուած արտակարգ նիստի ընթացքին, Թեմիս Կաթողիկոսական Փոխանորդ՝ Գերշ. Տ. Մեսրոպ Եպս. Սարգիսեան, Ազգային Երեսփոխաններու միաձայնութեամբ կ’ընտրուի Արաբական Միացեալ Էմիրութեանց եւ Քաթարի Հայոց Թեմի Առաջնորդ։
