Հինգշաբթի 13 Փետրուար 2020-ին, Արաբական Միացեալ Էմիրութեանց եւ Քաթարի Հայոց Թեմի եկեղեցիներէն ներս տեղի ունեցաւ Տեառնընդառաջի Նախատօնակի արարողութիւնը երեկոյեան ժամը 19-ին։ Թեմիս Առաջնորդ’ Գերշ․ Տէր Մերսորպ Եպս․ Սարգիսեան Նախագահեց արարողութեան Ապու Տապիի Առաջնորդանիստ Ս․ Նահատակաց եկեղեցիէն ներս եւ փոխանցեց օրուայ պատգամը։ Սրբազան Հայրը խօսելով օրուայ խորհուրդի մասին անդրադարձաւ հիմնական երկու կէտերու շուրջ․ ա․- Սիմէոն Ծերունի պատրաստակամութիւնը յառաջացած տարիքի մէջ գտնուելով, սպասելու ծնեալ Փրկիչը, որ իր ծնողքին ընկերակցութեամբ ծնունդէն քառասուն օրեր ետք կ՛ընծայաբերուէր տաճարին օրէիքին համաձայն, երեւոյթ մը որ դժբախտաբար այսօրուայ ընկրութեան կանքէն ներս սկսած է իր արժէքը կորսնցնել։ “Մանուկի եկեղեցի ընծայումը նախքան մկրտութիւնը Ատուածային Օրհնութիւնը ստանալու մեծագոյն առիթն է,...

Ծոցի երկիրներու եկեղեցիներու խորհուրդը, այս տարի իր ընդհանուր ժողովը գումարեց, 28 եւ 29 Յունուար 2020-ին, Քուէյթի մէջ։ 2012 թուականին ծնունդ առած է այս խորհուրդը, որուն մէջ Հայ Առաքելական Սուրբ Եկեղեցին իր գործօն դերակատարութիւնը ունեցած է, Մեծի Տանն Կիլիկիոյ կաթողիկոսութեան ճամբով։ Երկու օրերու վրայ տարածուած ժողովներու ընթացքին, ընդհանրապէս քննարկուեցան շրջանի եկեղեցիներուն դիմագրաւած դժուարութիւններն ու մարտահրաւէրները, յատկապէս կալուածատիրութեան հետ վերաբերող հարցեր եւ այլ առօրեայ դժուարութիւններ, որոնք կը մտահոգեն Քրիստոնեայ համայնքները։ Նկատի ունենալով ժողովին գումարման վայրը, յատուկ նիստ մը յատկացուեցաւ Քուէյթի մէջ ապրող Քրիստոնեաներուն ներկայութեան մասին, որոնց շարքին խօսուեցաւ հայ եկեղեցւոյ եւ հայ համայնքին մասին, որպէս շրջանէն ներս գործող հին համայնքներէն մին։...

Կազմակերպութեամբ մանկապարտէզի տնօրէնութեան եւ ուսուցչական կազմին Շաբաթ, 18 Յունուար 2020-ին տեղի ունեցաւ «Մարզական Օր» Օհաննէսեան Ազգային միօրեայ վարժարանին մէջ։ Առաւօտեան ժամը 10։30-ին, դպրոցի շրջաբակէն ներս, ամբողջ օրուան ընթացքին մանկապարտէզի փոքրիկները մասնակցեցան զանազան մարզախաղերու մեծ խանդավառութեամբ եւ ուրախութեամբ: Օրուան աւարտին մանկապարտէզի բոլոր փոքրիկները ստացան շքանշաններ (medal) քաջալերանքի համար: Օհաննէսեան Ազգ. Միօրեայ Վարժարանի...

Շաբաթ 18 Յունուար 2020-ին առաւօտուն, Ապու Տապիի Ազգային Արա Խանոյեան Միօրեայ Վարժարանի Դպրոցի աշակերտները եւ Շարժայի Ազգային Օհաննէսեան Միօրեայ Վարժարանի բարձր կարգի աշակերտները, միասնաբար այցելեցին Ապու Տապիի մէջ գտնուող <louvre> թանգարան։ Դաստիարակչական այս պտոյտը, աշակերտներուն առիթը ընձերեց մօտէն ծանօթանալու թանգարանին մէջ գտնուող պատմական իրերուն եւ ծանօթանալու քաղաքակրթութեան կարգ մը անցուդարձերուն։ Աշակերտները բոլորն ալ ուշի ուշով հետեւեցան եւ հետաքրքրական հարցումներ հարցնելով փորձեցին լաւապէս ծանօթանալ թանգարանի մանրամասնութեանց։ Մէկ ու կէս ժամ տեւող այցելութենէն ետք բոլորը միասնաբար խմբային նկարով մը անշարժացուցին օրուան շարժառիթը։ Ապա բոլորը միասնաբար ուղղուեցան դէպի Ապու Տապիի Ազգային Արա Խանոյեան Միօրեայ Վարժարան, որտեղ ճաշեցին եւ յետոյ առիթը ունեցան միասին...

Արաբական Միացեալ Էմիրութեանց Ապու Տապիի գահաժառանգի հրաւէրով Հայաստանի Հանրապետութեան Նախագահը Կիրակի , 12 Յունուար 2020-ին ժամանեց Ապու Տապի մասնակցելու « Կայունութեան Շաբաթ» վերնագիրը կրող Միջազգային համագումարին: Այս առիթով Ազգային Առաջնորդարանի եւ Դեսպանատան միատեղ գործակցութեամբ յարմար նկատուեցաւ որ Պրն. Նախագահը այցելէ Շարժայի մէջ գործող առաջին հայկական համալիրը եւ Եկեղեցին: Երեքշաբթի, 14 Յունուար 2020-ին Ս. Գրիգոր Լուսաւորիչ համալիրի մուտքին Պրն. Նախագահը դիմաւորուեցաւ Թեմի Առաջնորդ՝ Գերշ. Տ. Մեսրոպ Եպս. Սարգիսեանի, հոգեւորական դասուն եւ Ազգային իշխանութեան կողմէ ապա՝ եկեղեցիէն ներս տեղի ունեցաւ կարճ արարողութիւն, որմէ ետք հոծ բազմութեան ներկայութեամբ մեկնեցան սրահ ուր տեղի ունեցաւ պաշտօնական հանդիսութիւն նախագահի այցելութեան առիթով: Օհաննէսեան Ազգային Միօրեայ վարժարանի...