Հինգշաբթի, 24 Յուլիս 2014-ին առաւօտեան ժամը 11:30-ին Ս. Գրիգոր Լուսաւորիչ Եկեղեցւոյ դահլիճին մէջ, Հոգեշնորհ Տէր Մեսրոպ Վրդ. Սարգիսեան ընդունեց եւ հարցազրոյց ունեցաւ «Khaleej Times» օրաթերթի թղթակից՝ Տհանուշա Կուգլանի հետ: Սոյն հարցազրոյցը իրականացաւ համայնքի զաւակներէն Օրդ. Անի Պզտիկեանի միջոցաւ:
Շուրջ մէկ ժամուայ տեւողութեան ընթացքին Հայր Սուրբը առիթ ունեցաւ խօսելու Հայ համայնքի պատմութեան, անցեալի իրագործումներուն, Հայոց վարժարանի գործունէութեան, համայնքի եկեղեցական ու ազգային կեանքի աշխատանքներուն մասին տեղեկութիւններ տալով: Հարցազրոյցը առիթ ընծայեց որ թղթակիցը ծանօթանայ համայնքի հոգեւոր, ընկերային ու ազգային կեանքի ծրագիրներուն մասին:
Հարցազրոյցը լոյս պիտի տեսնէ յառաջիկայ օրերուն «Khaleej Times» օրաթերթին մէջ:
