Հեղինակ՝ zenta

Ուրբաթ 4 Դեկտեմբեր 2015-ին երեկոյեան Ս. Պատարագ մատուցեց Ապու Տապիի Ս. Նահատակաց եկեղեցւոյ մէջ եւ յաւուր պատշաճի քարոզեց թեմէն ներս հիւրաբար գտնուող Մեծի Տանն Կիլիկիոյ Կաթողիկոսութեան երիտասարդ միաբաններէն՝ Հոգշ. Տէր Պարոյր Վրդ. Շէրնէզեան:

Պատմականօրէն Դեկտեմբեր ամիսը իր եզակի նշանակութիւնը ունեցաւ Արաբական Միացեալ Էմիրութեանց եւ Քաթարի Հայոց Թեմին, յատկապէս Ապու Տապիի Գաղութին համար, նկատի ունենալով մէկ տարի առաջ այս ամսուայ ընթացքին օծումը կատարուեցաւ Ապու Տապիի Ս. Նահատակաց եկեղեցւոյ:

Թեմիս Կաթողիկոսական Փոխանորդ՝ Հոգշ. Տէր Մեսրոպ Վրդ. Սարգիսեան, 4 Յունուար 2016 թիւ 2-16 նամակով Ն.Ս.Օ.Տ.Տ. Արամ Ա. Կաթողիկոսի կողմէ իրաւունք կը ստանայ կապոյտ ծաղկեայ փիլոն կրելու ինչպէս նաեւ խոյր (չաթալ թագ) գործածելու իրաւունք թեմի տարածաշրջանէն ներս: Այս առիթով յանուն Ազգային Իշխանութեան եւ հաւատացեալ ժողովուրդին, մեր շնորհաւորութիւնները կը յայտնենք Հոգշ. Հայր Սուրբին մաղթելով եկեղեցանուէր բեղուն...

Ս. Ծննդեան եւ Աստուածայայտնութեան տօնին առիթով, Արաբական Միացեալ Էմիրութեանց եւ Քաթարի Հայոց թեմէն ներս մատուցուեցաւ Ս. եւ Անմահ Պատարագ Շարժայի Ս. Գրիգոր Լուսաւորիչ եւ Ապու Տապիի Սրբոց Նահատակաց եկեղեցիներուն մէջ: