Հեղինակ՝ Hampig Balekji

Նախագահութեամբ Արաբական Միացեալ Էմիրութեանց եւ Քաթարի Հայոց Թեմի Առաջնորդ՝ Գերշ. Տ. Մեսրոպ Եպս. Սարգիսեանի 28 եւ 29 Փետրուար 2020-ին, Շարժայի Ս. Գրիգոր Լուսաւորիչ Եկեղեցւոյ համալիրէն ներս տեղի ունեցաւ Թեմի Ազգ. Երեսփոխանական (ԻԸ) Ը ժողովը, ներկայութեամբ Թեմի Հոգեւոր դասուն, երեսփոխանական ժողովի եւ Ազգային վարչութեան անդամներուն եւ Ազգային կեդրոնական վարչութեան Համաատենապետ Պրն. Գրիգոր Մահսերէճեանի: Աղօթքով սկիզբ առաւ ժողովը ապա՝ հոգեհանգիստ կատարուեցաւ Ազգային երեսփոխանական ժողովի անդամներէն Պրն. Վահէ Հաւանճեանին որ անցնող ամսուայ ընթացքին յանկարծամահ եղաւ Տոհայի մէջ: Ժողովը բացուեցաւ Ն.Ս.Օ.Տ.Տ. Արամ Ա. Կաթողիկոսի ուղարկած պատգամի ընթերցումով, որմէ ետք Սրբազան Հայրը պաշտօնապէս բացուած յայտարարեց ժողովը: Սրբազան Հայրը իր բացման խօսքին մէջ ողջունելէ ետք...

Հինգշաբթի, 27 Փետրուար 2020-ին՝ Շարժայի Ս. Գրիգոր Լուսաւորիչ կիրակնօրեայ դպրոցի աշակերտները վայելեցին բարեկենդանի տօնակատարութիւնը: Բիէր Քէօսէեան սրահէն ներս բարձր դասարանի աշակերտուհիները գեղեցիկ կատարումներով խորհրդածութիւն մը ներկայացուցին պատկերներով եւ խաղերով նիւթ ունենալով՝ «մարդը երեւցածին կը նայի՝ բայց Աստուած սրտին կը նայի» (Ա. Թագաւորաց 16:7) Աստուածաշունչ մատեանէն քաղուած սուրբ գրային համարը: Որմէ ետքը կիրակնօրեայ վարժարանի աշակերտներուն ցուցադրուեցաւ իրենց կողմէ պատրաստած՝ բարեկենդանի յատուկ տարազները: Տօնակատարութեան ուրախ մթնոլորտը շարունակուեցաւ խմբային խաղերով եւ համեղ հիւրասիրութեան ընթացքով . ապա՝ աշակերտներ եւ ծնողներ յիշատակելի պատկերներ արձանագրեցին իրենց մտքերուն մէջ եւ գոհունակ սրտով վերադարձան տուն: Ս. Գրիգոր Լուսաւորիչ Եկեղեցւոյ Կիրակնօրեայ...

Շաբաթ 22 Փետրուար 2020-ին, Շարժայի Օհաննէսեան եւ Ապու Տապիի Արա Խանոյեան Ազգ. Վարժարաններէն ներս կազմակերպութեամբ հոգաբարձութեան, տնօրէնութեան եւ ուսուցչական կազմին հանդիսաւորապէս նշուեցաւ աշակերտական Բուն Բարեկենդանի Տօնակատարութիւնը։ Աշակերտները ծպտուեցան զանազան կերպարներով, մեծ ուրախութեամբ եւ խանդավառութեամբ զանազան խաղերով նշեցին օրուան տօնը։ Շրջանի զոյգ հոգեւոր հովիւները ամփոփ կերպով աշակերտներուն բացատրեցին օրուան տօնը եւ փոխանցեցին խոհուրդը Բուն Բարեկենդանին։ Այս առիթով բարի ծոմապահութիւն կը մաղթենք մեր աշակերտութեան ծնողներուն եւ գաղութի զաւակներուն արժանացնելով Քրիստոսի հրաշափառ...

...

Տուպայի եւ Հիւսիսային Էմիրութեանց Ազգային Վարչութեան Տիկնանց Յանձնախումբի կազմակերպած բժշկական դասախօսութիւնը կատարուեցաւ Երկուշաբթի, 17 Փետրուար 2020-ին համալիրի Բիէր Քէօսէեան սրահէն ներս , ներկայութեամբ աւելի քան 30 տիկիններու: Հանդիպումին բացումը կատարեց յանձնախումբի ատենապետուհի Տիկ. Թամար Պետրճիքեան բարի գալուստ մաղթելով բոլորին: Ան իր խօսքին մէջ անդրադարձաւ գաղութի հանրածանօթ բժշկուհի Դոկտ. Նանոր Չաղլասեան – Հրեշկատեանի բժշկական գործունէութեան երթին եւ բարձր գնահատեց դասախօսուհիին դրական ընդառաջումը, եւ մանաւանդ անոր ունեցած բժշկական գիտելիքներուն հմտութիւնը : Դասախօսութիւնը ընթացաւ սահիկներու ընկերակցութեամբ, դասախօս բժշկուհին մանրամասն կերպով բացատրութիւն տուաւ նախ քօրօնա ճահրին մասին, որմէ ետք անդրադարձաւ կանխարգիլելու զգուշացման միջոցներու մանրամասնութեանց եւ ներկաներուն գործնական քայլերով ցուցմունքներ կատարեց շեշտելով գործածութիւնը երեսի...