Հինգշաբթի, 26 Սեպտեմբեր 2013-ի երեկոյեան ժամը 5:30-ին Ս. Գրիգոր Լուսաւորիչ Եկեղեցւոյ Կիրակնօրեայ Վարժարանի բացումը կատարուեցաւ Շարժայի համալիրէն ներս:

Կիրակի, 3 Նոյեմբեր 2013-ին ՝ Գերաշնորհ Տէր Բաբգէն Եպիսկոպոս Չարեան ընկերակցութեամբ Արաբական Միացեալ Էմիրութեանց եւ Քաթարի Կաթողիկոսական Փոխանորդ՝ Հոգեշնորհ Տէր Մեսրոպ Վարդապետ Սարգիսեանին եւ ներկայութեամբ շրջանի Հոգեւոր Հովիւին այցելութիւն մը շնորհեցին Ապու Տապիի Մուսաֆահ շրջանէն ներս կառուցուող նորակերտ Ս. Նահատակաց եկեղեցին, ուր մօտէն հետեւեցան հետզհետէ տարուող աշխատանքները Եկեղեցւոյ եւ համալիրին:

Հինգշաբթի, 13 Փետրուար 2014-ին Շարժայի Ս. Գրիգոր Լուսաւորիչ Եկեղեցւոյ մէջ տեղի ունեցաւ Տեառնընդառաջի նախատօնակի արարողութիւնը խուռներամ հաւատացեալներու ներկայութեամբ: